Contoh Pidarte Bahasa Bali

Pidarta Ketua Panitia

Ring Pembukaan Pasraman Remaja

            Matur suksma titiang mantuk ring Dane Pangenter Baos.

-       Kelian desa adat sane wangiang titiang

-       Para panitia miwah para tutor sane wangiang titiang

-       Taler para yowana – yowani peserta pasraman remaja sane sihin titiang

Sedurung titiang maatur-atur,lugrayang titiang ngaturang panganstunkara

OM SWASTYASTU

Angayubagya uningayang titiang majeng ring Ida Sang Hyang Widhi Wasa,santukan wantah sangkaning asung kerta wara nugraha Ida mawinan titiang prasida kacunduk ring ida dane sareng sami sakadi mangkin.

Ring galahe sane becik puniki, titiang pinaka ketua panitia pasraman remaja ngaturang suksmaning manah majeng ring para yowana sane sampun rauh ring acara pembukaan pasraman remaja puniki.

Bali puniki,akeh wenten sastra lan budaya.Iraga ring Bali patut ngelestariang budaya,sastra lan agama puniki.Tetujon iraga ngelestariang budaya,sastra lan agama puniki ,mangda Bali puniki nenten ancur olih perkembangan jaman utawi globalisasi.

Saantukan punika ,pemerintah provinsi Bali,makarya program sane mawasta pasraman remaja ring desa – desa. 

Ring  sekolah para yowana sampun polih sane mawasta pendidikan formal,sakewanten ring pesraman remaja puniki,para peserta jagi polih pendidikan non formal.Sane mawasta pendidikan non formal ring pasraman ,misalne agama ,sastra ,tata karma,yoga,majejahitan,miwah sane leanan.

Tetujon pasraman remaja puniki,mangda para generasi penerus utawi para yowana nenten keanyudang olih perkembangan jaman /globalisasi.Taler mangda budaya ,sastra lan agama ring Bali tetep ajeg.

Para yowana peserta pasraman remaja sane sihin titiang,

Titiang nunas mangda seleg menguruk ring pesraman puniki,mangda napi sane kelaksanayang polih kesuksesan.

Pasraman puniki jagi kabuka malih jebos olih kelian desa.

Kadi asapunika titiang prasida maatur-atur ring galahe sane becik puniki.Nenten lali titiang nunas gung rena pengampura yening wenten sane nenten manut.Dumogi sangkaning sih Ida Sang Hyang Widhi Wasa mawinan punapa – punapi sane aturang titiang iwawu wenten pekenohnyane.

OM SANTIH SANTIH SANTIH OM